SPJ-USO OBTEN UNHA NOVA SENTENCIA, EN LUGO, QUE CONDENA Á XUNTA Á DEVOLUCIÓN ÍNTEGRA DA
PAGA EXTRA DE DECEMBRO DE 2012
A
loita emprendida por SPJ-USO para acadar para todos los compañeiros e
compañeiras da Administración de Xustiza en Galicia a recuperación da paga
extra roubada en decembro de 2012 segue a dar os seus froitos.
O
pasado 17 de decembro o Xulgado Contencioso-administrativo nº 2 de Lugo ditou
sentencia recoñecendo o dereito do demandante a cobrar integramente tanto a
paga extraordinaria como a paga adicional de decembro de 2012, condenando tamén
á Xunta de Galicia a aboar, cun límite de 400 euros, as custas do procedemento.
Como sempre facemos,
imos ir por todos os centros de traballo informandovos persoalmente desta
sentencia e do procedemento para solicitar a extensión de efectos.
Con
esta nova sentencia, SPJ-USO xa acadou pronunciamentos favorables en case todos
os partidos xudiciais da comunidade con xulgado do contencioso, sendo Santiago
de Compostela a única localidade onde de momento non temos sentencia, xa que a
vista está aínda sen sinalar. Deste xeito, estamos
a piques de acadar o noso obxectivo de que todos os compañeiros de Galicia estean
en disposición de beneficiarse das nosas sentencias, recuperando as súas pagas extraordinarias.
Como
xa vos temos informado, nas localidades de Vigo, Pontevedra e A Coruña, o
procedemento de extensión de efectos estase a tramitar, quedando paralizada a
decisión do incidente ata que o Tribunal Supremo se pronuncie sobre o recurso
de casación en interese de lei que a Xunta de Galicia interpuxo contra a
sentencia ditada na Coruña. Nese recurso, xa nos personamos, a pesares do
elevado custo económico que implica, para seguir defendendo os intereses do
noso colectivo.
As
extensións de efectos solicitadas en Ourense, están na mesma situación de
paralización da decisión, pero tendo en conta que nese caso o recurso da Xunta
presentouse perante o T.S.X.G por suposta infracción de lei autonómica.
No
caso das extensións de efectos solicitadas en Ferrol, xa se ditaron ata agora máis de trinta autos favorables, e hai en
marcha máis dun centenar de extensións. A Xunta non foi quen de paralizalas
xa que as nosas alegacións contra o seu intento de suspendelas por estar
recorrida a sentencia da Coruña, foron plenamente estimadas polo maxistrado.
O
prazo para recorrer en casación a sentencia de Ferrol xa rematou, polo que todos os compañeiros/as con domicilio no
ámbito territorial do Xulgado Contencioso de Ferrol, poden solicitar a
extensión de efectos coa seguridade de que a súa demanda será estimada. Se
aínda non a solicitastes ou coñecedes alguén nesa situación, poñemos á vosa
disposición ós nosos delegados para que vos tramiten a solicitude.
Finalmente,
facemos un chamamento ós Señores Feijóo e Rueda, para que, dunha vez por todas,
asuman o que, nada menos que seis tribunais galegos ata o momento, recoñeceron,
e devolvan a paga roubada a todo o
persoal da Administración de Xustiza en Galicia, en vez de tentar poñerlle
portas ó mar, colapsando os xulgados do contencioso da nosa comunidade, e obrigándonos
a presentar centos de reclamacións que, en todo caso, van ser estimadas.
Deixen de xogar cos
cartos de todos os galegos; xa sabemos que a
vostedes preitear sáelle gratis, e que cando lles condenan a pagar as custas dos
procedementos que xa saben que van perder, o diñeiro non sae do seu peto, senón
do noso. Non o malgasten máis e teñan moi claro que non vamos a esperar ó 2018 para ir recibindo a súa patética esmola cada
ano; queremos o que é noso, o que os tribunais nos recoñeceron cos seus xuros
correspondentes.
Xa
para rematar, queremos darlle agradecer
a todos os que confiastes en nós para tramitar as vosas reclamacións.
Sabemos que en ocasións non foi unha decisión fácil, xa que outros se empeñaron
en difundir informacións cando menos contraditorias. E queremos acordarnos neste intre especialmente dos nosos afiliados,
que son os que permiten, coa súas cotas,
que podamos presentar todas estas demandas.
BOAS FESTAS A TODOS/AS
E
FELIZ ANINOVO
