No
DOG de hoxe, 9.1.2012, publícase a ORDE do 4 de xaneiro de 2012 pola
que se anuncian, con carácter voluntario e gratuíto, cursos de lingua
galega preparatorios para as probas dos niveis Celga 1, Celga 2, Celga 3
e Celga 4, para particulares (adultos) e colectivos de Galicia, no ano
2012.Establécese como data límite para a presentación de solicitudes para todos os cursos regulados nesta orde o 30 de xaneiro de 2012. Para facilitar a elección dos cursos, as persoas interesadas son informadas de que as próximas probas para a acreditación do nivel de lingua galega terán lugar os días 2, 3, 9 e 10 de xuño para os niveis Celga 4, 2, 3 e 1, respectivamente.
No mes de marzo sairá publicada na páxina http://www.xunta.es/linguagalega.es unha convocatoria específica de cursos en liña para preparar a proba do Celga 1.
Para obter a acreditación do nivel de coñecemento e dominio da lingua galega, as persoas interesadas terán que realizar as probas correspondentes, que se efectuarán en xuño de 2012, logo de convocatoria publicada no Diario Oficial de Galicia. A inscrición nas probas é independente da dos cursos. O prazo para a inscrición nas probas rematará o día 3 de abril de 2012.
VER A ORDE
