Neste mes recupérase en total xunto coa paga de xaneiro de 2015, o 24,04%, tanto da extra como da paga adicional. Se calculades o 24,04% da paga adicional e lle restades o que nos pagaron por este concepto en xaneiro, dávos a cantidade que nos pagan agora.
E se facedes a mesma operación coa paga extra, ou sexa, 24,04% da paga extra total e lle restades a cantidades que pagaron por este concepto en xaneiro, dávos a cantidade que nos pagan nesta nómina.
Tómase como base a nómina de XUÑO do ano 2012, para determinar as cantidades.
Estas cantidades veñen reguladas na Lei de emprego público de Galicia, Lei 2/2015, de 29 de abril, disposición transitoria 12ª.
En definitiva, a cantidade que nos pagaron ata o de agora, con respecto á devolución da extra de 2012, é un 24,04%, tanto do concepto de paga extra, como do concepto de paga adicional.
