En cumprimento do disposto na base cuarta do artigo 3 da Orde do 29 de setembro de 2014 pola que se establece o procedemento de selección e nomeamento de persoal interino do corpo de médicos forenses e se convoca a correspondente bolsa, e unha vez vistas as solicitudes recibidas polos aspirantes,
RESOLVO:
Primeiro. Aprobar as listaxes definitivas de aspirantes admitidos e excluídos das bolsas de traballo de médicos forenses, así como as listaxes provisionais da baremación dos méritos dos admitidos, e acordar a súa publicación no sitio web da Vicepresidencia e Consellería de Presidencia, Administracións Públicas e Xustiza e mais na intranet de Xustiza.
Segundo. Os aspirantes admitidos terán dez (10) días hábiles, desde o día seguinte ao da publicación no Diario Oficial de Galicia da presente resolución, para formularen as alegacións que coiden pertinentes en relación coa baremación provisional.
Contra esta resolución, que esgota a vía administrativa, poderase interpor recurso contencioso-administrativo no prazo de dous meses desde o día seguinte ao da súa publicación, ou ben recurso potestativo de reposición no prazo dun mes ante este centro directivo.