A DXX comunicou hoxe á presidencia do Tribunal Superior de Xustiza o inicio do proceso de implantación da presentación de escritos e notificacións telemáticas (Sistema Lex-Net).
A primeira etapa do proceso comprenderá o xulgado do mercantil da Coruña e os xulgados mixtos de Ordes e Padrón, así como a oficina de reparto e rexistro de escritos dependente do decanato dos xulgados da Coruña. Neles iniciarase o vindeiro día 5 de novembro a fase de preprodución de Lex-Net a fin de que os usuarios realicen probas reais con procuradores dados de alta no sistema polos respectivos colexios. A fase de preprodución estenderase ata o 24 de novembro, data prevista para a entrada en real.
